تم إختيار 5 محافظات لتكون بداية لإنشاء مدارس النيل المصرية التى تهدف الى رفع مستوى الطلبة وتمكينهم من الدخول الى الصف السادس الإبتدائى مباشرة بعد إجتيازهم إختبارات التقييم ده حسب كلام الدكتور شريف منصور المدير التنفيذى لمشروع تطوير التعليم .
وقال ايضاً أنه تم إختيار 5 مدارس كبداية لمدارس النيل فى محافظات السادس من أكتوبر وبورسعيد والمنيا وقنا الى جانب مدينة العبور.
ايه حكاية المدارس دى بقى زى ماقال الدكتور شريف ان هذه المدارس ستقوم بتطبيق " النظام المعجل" يعنى ايه !!؟؟ يعنى يتيح للطالب انه يدخل الصف السادس الابتدائى على طول بعد إجتياز اختبارات تقييم خاصة ، تتعلق بمدى معرفته عن اللغة الأجنبية الثانية .
وممكن الطالب يتوقف عند مستوى معين من التعليم بعد حصوله على شهادة تمكنه من الإلتحاق فى أي جامعة بالعالم او العمل بها اذا كان لا يستطيع استكمال تعليمه.
الآن جارى إختيار هيئة التدريس بالتعاون مع الجامعات الإنجليزية بحيث تصبح هذه المدارس نواة لتكون هناك شهادة مصرية تعليمية متميزة معترف بها دولياً مثل الشهادة الإنجليزية والأمريكية.
مش بس كده بل انه سيكون هناك إهتمام وتأهيل للمعلم وسيحصل على شهادة من جامعة كامبريدج تشير الى انه مؤهل فى النواحى العلمية والتربوية ويستطيع توصيل المعلومة للطالب ياحلاااوة ياولااااد
المشروع ده سيتم تعميمه فى جميع المحافظات بعد نجاحه وسيبدأ تطبيقه إعتبارا من العام الدراسى القادم
.... مش ملاحظين حاجة .. معلهش يعنى ماهو انا ببص للمواضيع بنظارة سوداء شوية ..أول حاجه هتلاقى بقه الوساطة والمحسوبية هتتدخل وتلاقى كل اللى هيلتحقوا بالمدارس دى ولاد الوزراء وكبار رجال الدولة .. ماهى فرصة بقه شهادة ابتدائية بامتحان بسيط ومن غير تعب ست سنين أماال ايه
الحاجة التانية ممكن بالشكل ده تلاقى بقى طالب جامعة عنده 12 سنة ... هههه ولا وزير عنده 15 سنة بس ... يادى الحوسة .. احنا ناقصين بهدلة ياجدعان ... هيه وزارة التربية والتعليم دى بتجرب فى عيالنا ولا ايه هنروح فين تانى .. مش كفاية عيالنا المتعلمين مش عارفين يفكوا الخط ... ده مش عرفين لغة عربية هنروح نخلى لغتهم الاساسية انجليزى ولا فرنساوى.. وبعدين بصراحة الفترة اللى العيل بيتعلم فيها القراءة والكتابة هيه الفترة الابتدائية نقوم نشيلهاله خالص .... اما حاجة تفرس ... ولا انتو ايه رأيكم ياجماعة ... حد يرد عليه
0 التعليقات:
إرسال تعليق